【Viu】新城电台举办的《新城劲爆颁奖礼2024》圆满结束！林家谦连夺「劲爆男歌手」金奖、「劲爆年度专辑」，庆功宴上孖同样攞咗两个奖嘅Jeffrey一齐受访！积肥直言攞奖系对团队嘅肯定，今年有份帮佢写歌嘅家谦秒求慰劳，Jeffrey又点神回？家谦指呢年写咗44.5首歌，打破自己纪录，呢位少年坚系好拼劲㖞！
啱啱出咗国语新碟嘅家谦，最近去咗台湾宣传，被魏如萱搞笑改名做「冧家谦」，呢件事真系SLDPK！继而家谦再爆历来嘅花名，包括有林加印、林加场，企隔离嘅Jeffrey笑到有腹肌！再讲到家谦同Tyson Yoshi喺threads打情骂俏，家谦又认唔认？
第一个颁奖礼就攞「劲爆女歌手」金奖嘅Gin Lee，hyper话好开心，有冇信心喺之后嘅颁奖礼再夺女金？讲到佢力压AGA获奖，Gin Lee大方回应指边个攞奖都开心！来年有咩大计？
攞到「劲爆十大卓越歌手」、「劲爆歌曲」嘅Alfred许廷铿，最开心系同出道14年嘅战友邓小巧一齐攞奖！近期热爱打羽毛球嘅Alfred，话想同Stanley battle身材同网球球技！好友Joyce郑欣宜最近又被fans野生捕获，Alfred笑话要撞到Joyce唔难，仲话约紧Joyce食饭，又指对方出歌嘅话会「还债」做MV男主角，但就坚拒拍亲热戏啦！
另外，对新城今届颁奖礼缺少华纳、寰亚歌手列席，新城首席营运总监马浚伟婉拒回应，台长程凯欣代答指欢迎所有唱片公司参与颁奖礼。