【Viu】Elanne江若琳自月中发生交通意外后，今日首现身公开活动报平安！佢先感谢各界朋友对佢嘅关心，笑言个电话被炸爆、啲message覆咗3日都未覆得晒，好彩执返条命仔，冇穿冇烂咁出嚟见大家！
讲返事发经过，Elanne话仲系心有余悸，又指其实当日出车𠮶刻都feel到个油门怪怪地，但以为只系自己嘅心理作用，点知去到尖沙咀就出事，亦估唔到即使车速唔快，但个冲力都足以令架车翻侧，万幸车内冇囝囝肥包！Elanne发生事故后虽然个脑一片空白，但第一时间谂到嘅系要求生，感恩有途人救佢出嚟，令佢好感动！
事后有网民将出事地址改做「江若琳弯」、「江若琳技术弯」，就连老公Oscar萧唯展都有份取笑，自认抵笑嘅Elanne大叫失礼又尴尬，不过佢利申个车牌有十年以上，相信唔会系技术问题！Elanne认撞车后有阴影，短期内自行「停牌」，只敢做乘客，或者之后要打多啲机克服！佢都不忘放闪赞老公劲sweet，即刻安排咗个日本短trip畀佢散心！
同场仲有四缺一嘅Beanies，㖊日佢哋点过圣诞？Jaime嘅好姊妹kayan9896临圣诞前夕自爆甩拖，有冇关心kayan？外界指kayan拜金，Jaime又点帮好姊妹平反？即刻睇足本访问啦！