【Viu】Jeffrey今晚变身圣诞小鹿，喺元朗出席户外骚同咖啡豆幸福过佳节，佢更系预先画咗成百张圣诞咭，沾沾笑话啲画画天份爆发晒出嚟！而当Jeffrey唱《失约巴黎》𠮶阵，仲专登跑到另一边场外派福利，极级宠咖啡豆呀！
最近剪咗短发嘅煨sir，搞笑话每日要最佳状态先衬个头，如果唔系嘅话就惨不忍睹！咁唔知Jeffrey又点睇啲网民话佢似陈冠希？日前做冬𠮶日，佢同《焚城》班兄弟齐齐撑刘德华红馆骚，Jeffrey对华仔又唱又跳足3粒钟超respect！而嚟到年尾，佢形容今年系经验之年，喺唔同范畴都储落唔少经验，几时会等到Jeffrey开个人骚先？
同场Lolly Talk以圣诞装靓靓亮相，佢哋不约而同话圣诞节可以同波板糖过好兴奋，仲专登设计咗8张圣诞咭喺唱《六度相隔理论》𠮶阵落台送畀波板糖！入面会唔会有唇印、会唔会有香味？Yanny有冇喷咗啲臭屁香水落去先？「真实用家」阿蛋、Sinnie、Ah Yo、Tania又点畀Yanny整蛊？获得一堆「初心」纸皮嘅「郑纸皮」Elka，又系咪真系有喺澳门带返香港？
圣诞佳节，LT话私下冇特别交换礼物，但Yanny就炮制爱心甜品送畀姊妹！Ah Yo最近荣升老板娘成立自家个人品牌，会揾姊妹做生招牌？另外，12月寿星Tania、Ah Yo又点过生日？快啲睇足本访问啦！