【A&M Diary】香港嘅商场各出奇谋，以吸引顾客人流：喺90年代，商场喜欢加入唔同嘅主题设计；00年代就引进唔少国际知名品牌；到今日，商场嘅餐厅选择成为大众焦点，除咗味道同名气，菜式选择都非常重要，令商场尤如成为联合国。其中圆方就有各式各样嘅国际菜式选择，主打东南亚菜嘅斑兰，价钱实惠，性价比高，出品充满南洋风味，成为我哋嘅推介。
街头串烧食东南亚菜，小食又点少得串烧呢？越式香茅鸡肉串嘅香茅味主导整个香味，鸡肉嫩滑又入味；黑毛猪腩肉烧得焦香，逼出过多嘅油分，香而不腻！
越式牛油果酱法包配蕃茄莎莎烘到香脆嘅法包上铺满牛油果酱同蕃茄莎莎，真系口感同层次嘅挑战。牛油果酱非常香滑，非常足料重身，非常鲜甜；但加上酸酸甜甜嘅蕃茄莎莎，又可以减轻牛油果酱嘅油腻感，真系绝配。
自家制腐乳蛋黄酱单骨牛油鸡翼喜欢南洋菜，其实亦喜欢佢哋对于酱汁嘅新意。好似早几年嘅人气咸蛋黄酱，而嚟到斑兰就有自家制嘅腐乳蛋黄酱！腐乳作为常用嘅粤式酱汁，咸香十足，而加入蛋黄酱后，令味道更平顺，香滑而且非常creamy，配上啱啱炸好嘅单骨牛油鸡翼，真系OMG地好味！
越式鸡丝扎肉汤河食咗几个比较浓味嘅小食，主菜就拣咗相对清淡嘅越式鸡丝扎肉汤河啦。估唔到下午菜优惠时段嘅越式鸡丝扎肉汤河都份量十足，弹牙嘅扎肉有三块而鸡丝就一大堆，河粉嫩滑，值得推介。
招牌无骨海南鸡配油香饭食鸡又点可以唔食皮呢！鸡皮嘅油脂层完全唔厚，食嘅时候毫无罪恶感，而且啖啖肉嘅海南鸡，肉质嫩滑。唔知大家食海南鸡又钟意点边款酱汁呢？另外，食海南鸡嘅焦点，又点少得油香饭呢！
桔仔话梅水、青柠梳最后下午茶嘅套餐除咗小食同主菜之外，仲可以加上一杯南洋特色嘅饮品，我哋就拣咗滋润嘅桔仔话梅水同清新嘅青柠梳打，真系够晒抵食。