【Viu】古天乐、GiGi梁咏琪、Louise王丹妮、胡子彤、German张文杰同陈湛文等今晚出席贺岁片《临时决斗》首映，古生笑爆啲挥春似神主牌，兼且作状拜拜，笑爆全场！
最近古仔啲访问备受网友热捧，是夜佢亦继续暴走，先爆笑话新年唔拜年，净系去谢票，继而听到子彤话40万就著热裤谢票反白眼，最后仲自爆有珍藏那些年排球队嘅排球裤，仲话想开套《T-Back排球队》，笑到GiGi喘晒气，更话私下有狂Loop古仔啲访问。古仔对此表示「怀疑人生」，但都想多啲拍喜剧娱乐大家，不过冇可能超越到经典贺岁片《呖咕呖咕新年财》㗎喇！
至于「子彤BB」就话要拉埋「German BB」齐齐著戏中嘅热裤谢票，连Size都讲埋，搞到Louise都「怀疑人生」呀！想笑餐饱就睇足本访问啦！