近日钟睿心（五索）高调承认自己是马清铿情妇，成为全城热话。前晚（20日）吴家乐、邓兆尊与谢逊主持网台节目《娱乐好好玩》时，邓兆尊都有评论事件，身为有钱又可以同时驾驭三位女伴的邓兆尊，就分析她突然大爆料的心态，推断其饭局价，并自爆曾与马家中人讨论此事。
邓兆尊用「车」来比喻女人，他问：「一个女人可以剖腹生几多次呀？正常嚟讲系两次，第三次留返畀自己身体有事（开刀），佢生咗五个， 至少两次顺产，18岁开始蒲富豪饭局，咁呢个女仔副body个耐用度有几好呢？（吴家乐：比同年纪未生过应该好劳损。）一架车炒咗五次，同一架未炒过，你揸上手，震晒。」他指这架车耐用期都过了十年，至少要全自动波才有人肯揸。
他续说：「身为一个富商，有咁多车房，呢架车开完会震嘅，我做咩事要揸佢先？（谢逊：系爱系责任）爱同责任系同普通人讲嘅啫，同啲食雪茄𠮶啲就唔系咁，『点呀？今日有咩新车呀？』」他推断有钱人会将「旧车」投闲置散，照养住，但少接触，而他认为「旧车」五索之所以忽然高调的原因：「以前每个月10万，而家一个月得返两万生活费，普通开支我负担唔到，我Boom一声摆你出嚟，逼你畀一个掩口费，点知佢揾错林作，将件事化到大过龙，控制唔到，所以而家咪话要消失啰。」吴家乐认为这个女人不安守本分，想做二房，要钱又要名份，但倾唔掂数，于是夹新闻。他又估计根本正印一早已知情，并狠批五索做法：「佢最错系揾咗个好坏嘅军师！」邓兆尊透露，自己识马家中人，即马清铿姪仔，自己曾问对方这件事，对方只以「哈哈！」回应，所以根本整个家族都早已知道。
邓兆尊认定五索如今知道是时候会被车主抛弃，想抬高自己价钱「放售」，揾新车主，「我架车系半山，唔会揸返落去。我价钱廿万跳表，廿万下唔好揾我。」他推断五索的饭局价：「佢呢啲级数系3万到10万，（吴家乐：佢话自己一场100万㖞。）佢唔得啦！佢呢啲上游艇都系得6万，包埋揸车、掟弯喇，可能一组人30万咋，成组人包晒。」
邓兆尊又不讳言五索「吹大咗」，叫她做下功课，指她在访问中提到成千万一只PP手表：「我真系上网查，真系未见过，得一只，800万，冇㗎喇。另外车，10几亿一部车，我真系未见过，你见过未吖？」吴家乐表示自己都好熟车，但都未见过，除了拍卖行那些超级升值的车，香港应该冇十几亿的车：「过千万有，一定有，但你话十几亿，真系我喺苏富比都未见过咁嘅车。」认为五索未够班。