【Viu】《破‧地狱》上映踏入第11周，㖊日Michael许冠文，Michelle卫诗雅同导演陈茂贤继续孖住谢票，并宣布最新港澳票房突破1亿5千8百万，系威嘅！不过Michael San未满意㗎！佢笑称希望票房收够2.2亿咁话！「仲有6000万左右就可以破到香港所有电影嘅纪录，𠮶部系2亿2千万票房嘅《End Game》（《复仇者联盟：终局之战》），如果大家已经睇咗4次，唔争在睇够8次。」
Michael San更带嚟一支靓红酒即场送俾「囡囡」Michelle做结婚礼物，因为阿女结婚𠮶日Michael San要同家人外游未能去饮，所以提前送惊喜。Michael San又笑匠上身话：「之前我个女嫁之前，我都系同佢开咗支酒分享心事，仲同佢讲咗好多男人嘅秘密，不过就唔方便喺呢度讲。」而Michael就俾「爸爸」搞到眼湿湿，「好多谢Michael San，感觉真系多咗一个阿爸，好感动，我同佢个女一样都系叫Michelle，所以特别有一份亲切感。」想睇呢场谢票几有爱？入嚟睇现场实况片啦！