【Viu】由游学修、苏子情主演嘅舞台剧《试镜》，今晚喺寿臣剧院开始公演共10场，头场顺利完成！阿修、子情完场后受访，自评80分劲谦虚，希望喺余下嘅9场公演越演越好！导演朱栢谦超满意两位嘅表现，拍烂手掌！呢次舞台剧全场个半钟冇过场、冇转场景、冇中场休息，对演员嚟讲绝对系一大挑战，子情坦言一定有压力，但会转化成能量！
讲到子情套「战衣」极级sexy，黑色lace情趣内衣大露事业线、下身就T-Back晒靓股兼长腿，佢笑言努力彩排就自然keep到副弗爆body！见佢喺剧中不乏腿张开性感动作，子情指有做足安全措施嘅，仲叫观众放心睇添！问到阿修正视子情𠮶阵会唔会怕丑？佢鬼马笑答大个仔有见识过呢个世界，反而如果对方系男人着成咁就尴尬啦！咦！呢个男人会唔会系讲紧佢自己先？场刊入面有张相系阿修反串扮女人，着上同一套战衣，佢笑言被同事赞条腿好sexy，着之前有咩心理关口要突破？女友Ca姐有咩comment？会着返去「试当真」？
见古天乐有送赠花篮，阿修笑指冇邀请古生嚟睇舞台剧，点解嘅？提及香港电影评论学会日前公布《第31届香港电影评论学会大奖》得奖名单，阿修以一票输俾刘青云失影帝，继金马后再攞亚军，佢笑言饮恨同时觉得好开心，就算被笑系「亚修」都开心！但呢次「传染」埋畀钟雪莹，又系输一票，阿修会点负责任？事后资深电影人文隽斥电影评论学会冷待《破·地狱》，阿修又点回应？
另外，萧定一出post狠批《公开试当真》离晒谱，怒骂团队冇诚意，阿修大方回应指觉得萧定一讲得几好，会虚心听别人嘅批评，下次先可以做得更好！快啲去睇足本访问片啦！