梁思浩今日（10/1）现身电视城出席《万千星辉颁奖礼2024》「最佳男、女主持」10强候选人记者会。对于能够打入最后十强「最佳男主持」，梁思浩接受《香港01》访问时表示：「其实我喺呢个颁奖礼，我先后都有唔同奖项嘅提名，而今次亦系我第8次嘅提名，咁耐以来都冇攞过奖，咁所以今次我平常心咁去面对。」
对于近日有人网上大爆《爱·回家之开心速递》演员薪酬，指台柱「熊树根」刘丹每集6000元。第二位是「废青安」周嘉洛，每集5750元。而「豹哥」单立文每集5500元排第三，惹起网上热议。梁思浩表示：「其实我觉得𠮶个人系想攞一啲存在感，而我都有睇到里面𠮶啲演员格价，可信度我谂得一半，除非系统筹同监制先知啲演员嘅人工，其他人系冇可能会知，因为佢哋系要出单计数，而呢个人咁做系会引起好大回响嘅。」
梁思浩续说：「其实喺呢行做得咁耐嘅人包括埋我，我哋自己心目中系有个价钱，如果少过呢个价钱，真系唔会做。咁我用咩去衡量呢？能够喺呢行做咗30年都能够不停系咁有嘢做嘅人，佢攞嘅价钱一定唔低，如果价钱低 ，佢一定唔会做。（丹爷6千信唔信？）咁梗系唔信啦，佢唔只呢个价。（咁你一集几多？）哈哈，我满意啰。（你个网台经常爆秘闻唔怕得罪无线？）唔怕，我冇包袱，可能同佢哋有合作嘅关系，所以佢哋冇叫我唔好讲。」