【Viu】ERROR成员193郭嘉骏嚟紧1月14号就踏入35岁啦，佢班老婆们今日就喺启德某商场举行两场生日会，为老公庆生兼与众同乐！唔止呀，老婆们仲首次包咗架「33号电车」做生日应援，呢架「33号生日电车」嘅紫色车身超Sharp醒，加埋Captain 33卡通公仔，Kawaii呢！
正所谓饭随偶像，193出名转数快，老婆们都唔系省油的灯，除咗送上「数码暴龙机」造型蛋糕，衬返33个新纹身外，又齐齐为传统生日歌配上英文生日歌词，仲要啱音兼啱Beat，SLDPK呀！讲到生日愿望，33就化身「正能量大师」话：「最紧要开心！」仲叮嘱老婆们唔使为咗自己而同Haters嘈交，又笑言自己依家只系「调教你Haters」，功德无量㗎！
33亲解喺《无用的谎言》用生锈刀仔捅姜涛之谜，仲预告会喺ERROR开骚前出高难度solo歌，又谂定出年去边度搞生日会，想过一个开心周末就睇现场实况啦！