【A&M Diary】驷马拖车，其实系咩嚟？原来驷马拖车系广东潮汕地区一种大宅院，院内有好多院落、好多天井，系富豪人家嘅屋企。以大富人家嘅宅院命名，位于牛头角嘅驷马拖车潮州饭店，令呢一餐潮洲打冷一啲都唔麻甩，仲多咗份心思添。
海蜇手撕鸡海蜇同手撕鸡预先捞匀，所以食嘅时候，同时食到爽脆嘅海蜇又食到嫩滑嘅鸡丝，口感非常丰富！至于味道就以麻酱调味。令味道又滑又浓。
韭菜猪红每次食潮洲打冷都有两样嘢系我哋必叫，其中一样一定系韭菜猪红。呢碗韭菜猪红份量够晒多，猪红唔会一咬就散，好有质感。味道方面，唔会太浓太咸，带有少少辣味，好有层次。
卤水鹅四拼盘每次食潮洲打冷都有两样嘢系我哋必叫，另一样一定系卤水鹅。呢个拼盘除咗卤水鹅，仲有红肠、腩肉、肾、卤水蛋同豆腐。每一样嘅食物都入晒卤水味，又香又浓！卤水鹅嘅鹅肉好滑溜，鹅肉味好香；一层肥一层瘦嘅腩肉虽然邪恶，但就好滋味；最重点嘅仲有豆腐，好香滑又入味。整体嚟讲，都算非常抵食。
凉瓜排骨煲至于小菜方面，我哋就叫咗凉瓜排骨煲，份量确实太多！凉瓜带有少少苦味，却绝对系我哋嘅最爱；排骨入味，肉质嫩滑。