【Viu】天王刘德华顺利完成20场跨年红馆骚《今天⋯is the Day刘德华巡回演唱会2024》！骚后华仔keep住个hyper mode直接去庆功开香槟，又兴奋话终于可以唔使戴口罩，解放个靓仔样！华仔沾沾话呢次开骚算系历年以嚟开得最舒服、最顺畅！
讲到华仔喺尾场忍唔住爆喊咗几次，佢搞笑自爆尾场唔算喊得劲，又坦言初期开骚压力好大，每日都惊身体有变数影响演出，但一完骚又发现其实可以继续跳唱落去，咁华仔几时再开骚先？有网民建议四大天王group埋一齐喺新场启德开骚，华仔第一时间举脚支持？
提及喺呢round演唱会都发生咗唔少小意外，例如喺窄台跣出去𠮶part，华仔谓的确有令屋企人，特别系老婆朱丽蒨、同fans担心，明白到就算几小心都可能会发生意外，所以就喺动作上作出改动啦！
华仔冧爆指老婆同囡囡连埋海外站，一共撑足72场，系爱呀！华仔更笃爆囡囡每场骚后都会畀comment，就好似笑佢跳错step！而华仔每场骚都结一次婚，20场加埋后宫唔止三千，「大婆」朱丽蒨有冇呷醋？惊唔惊迟啲出街被「老婆们」追家用？快啲去睇足访问片啦！