80年代歌手刘美君（Prudence）是实力唱家班，最近为TVB《中年好声音3》担任客席评判，日前刘美君接受郑丹瑞的网上频道节目《健康旦》访问，大方分享更年期的烦脑，更自爆当年与拍拖8年的德日混血男友Steve分手真正原因，原来经过一段时间磨合，上月刚迎来60岁的刘美君在节目中承认二人已经复合。
刘美君表示在自己53、4岁时感觉到自己更年期快将来临，经常情绪不稳，她说：「2016年我同男朋友分手，点解呢，好好笑，我哋两个咁唔系好掂，我觉得自己好情绪化，因为我嘅情绪好唔稳定，我成日觉得自己好抑郁，有少少…成日又肥肿，好唔开心，同佢（男友）讲我怀疑自己就嚟更年期，唔耐系呢几年，我好想focus喺我自己身心度。如果系咁大家成日嗌交面左左都无谓，我唔系一个嗌交嘅人，不过会黑面，哈哈哈，一黑就一个礼拜。」
点击睇更多恩爱相片：
之后刘美君返港工作，努力照顾好自己的身心灵，她笑言当年男友亦有少少更年期迹象，「我自己话我自己衰啫，佢唔系100%好晒，知道嘛，佢有佢问题。公平起见大家分开，揾吓自己钟意嘅嘢，因为我成日觉得分开唔系啲乜嘢，只不过系大家分开一段时间，你有你揾返令自己开心嘅嘢，我去揾返个热诚，我就返港返港做碟，2017年演唱会、监制剧，另一边系好努力建立自己嘅健康，但冇一个负担。」虽然说分手，但二人仍经常见面，可说是再见亦是朋友，她续说：「佢继续揾我啲仔女，过时过节又揾我妈妈，我喺香港时，佢又同我妈妈、个女飞过嚟揾我，我哋一齐去日本，咁样分手啫。（再见亦是朋友？）系，只不过大家要分开一下，睇吓究竟，要学识自己攞返个平衡，先能再去同另一个人相处攞个平衡。（现在都系？）依家咪好番啰，好番嘞！哈哈哈！」
刘美君曾经历过两段失败婚姻，由于早婚早生育，49岁已当嫲嫲，堪称fit爆祖母。她与Steve分手后曾被影到穿性感Deep V约熟男撑枱脚，之后跟无线「御用有钱人」黄子雄传绯闻，更不避嫌在社交网上载二人手拖手相，当时否认拍拖，称「自己放相一定比D狗仔靓」，表示与黄子雄是由细识到大的朋友。
一向好注重健康的刘美君，经常在社交网晒6嚿腹肌相，但她年前不幸患上俗称「鬼剃头」的斑秃，头顶有两大个洞，接近一只手指咁长，直径约4-5cm，秃发部位只甩剩几条头发，现在已康复。