【Viu】Pakho周柏豪喺新一年第一次出席公开活动，提起依家每次出门都会畀3岁囝囝掹住条裤𠮶阵，佢就一副冧样！佢预告有电视剧洽谈中，希望今年可以喺影视上有作品；至于音乐方面，Pakho承诺2025年会最少出3首歌，年尾再去各大颁奖礼报到？点知以往系颁奖礼常客嘅Pakho，自信心急降：「都要睇吓受唔受欢迎嘛！唔受欢迎我咪冇资格参加颁奖礼啰！」又谓自己觉得好听啫，未必个个人都觉得好听，听落好似有弦外之音？Pakho又再点答呢？
对张敬轩指叱咤颁奖礼舞台系对歌手嘅一大挑战，Pakho谓的确系难唱，加上歌手当时会被自身嘅情绪影响，喺冇彩排之下演唱或影响信心，有失误都难免，此时就要靠歌手嘅功力啦！
讲到佢早前参加NBA传奇名人赛，Pakho开心指系圆咗儿时梦想，成就解锁！嚟紧训练个仔打波？Pakho笑囝囝对打波冇兴趣，反而系充满演戏细胞，会喺屋企角色扮演，咁funny？Pakho会点配合囝囝？
另外，Linda钟嘉欣、Mandy黄智雯孖住一齐受访，Linda指三不五时都会带3个小朋友返香港练吓广东话！Mandy又会唔会追返个蛇B？趁Linda喺度，向对方偷师学做妈妈？即刻去睇足本访问片啦！