63岁的黄凯芹（Chris）最近顶替伍仲衡位置为《中年好声音3》担任客席评判，黄凯芹有一段时间移民加拿大生活，日前接受郑丹瑞的网上频道《健康旦》访问，重提当年事业如日方中离开原因，自觉愧对家人。
郑丹瑞透露要找黄凯芹做访问一点也不容易，因为他近乎与圈中人断绝联络，就连曾传绯闻的玉女掌门人周慧敏都没有他的电话号码，郑丹瑞踢爆：「我系透过周慧敏揾Chris，原来连周慧敏都要电邮先揾到佢（Chris），𠮶个系周慧敏，同你熟到…。」黄凯芹一脸认真解释：「依家世道唔好，你个电话号码流咗出去，好多嘢打嚟都系呃人，所以就算我俾咗个电话号码你，我唔接都系冇用，你知依家科技，样都可以好似真嘅一样喺你面前。」
黄凯芹未做歌手前曾经做过DJ，之后以创作歌手身份出道，在歌唱事业如日方中之际，在1994年毅然只身离开香港，移民加拿大多伦多转行从事室内设计工作。黄凯芹解释当年将原本在内地好受欢迎的歌改编成《晚秋》后好受欢迎，唱片公司欲乘胜追击，推出全碟翻唱歌，但却与黄凯芹创作人方针背道而驰，最后他选择离开。
黄凯芹说：「当时大家有个拗撬，过程好记得系好长连头发都冇去剪（长过肩膊），可想而知呢段时间等咗几耐。当时经理人话『睇吓佢等几耐』，我嘅收入，无论唱片销量，表演登台、作歌版税全部hold住冻结，但当时冇收入，我仲要供楼同养屋企，得两条路，一系就范、二就等三年合约完签咗第二间。」由于在香港已经多人认识，所以选择移民，但他亦觉愧对家人，他续说：「当时觉得好对唔住我屋企人，我走先，本来供紧屋要卖，爸爸妈妈要打回原形返去细单位嘅旧屋居住，连我所有唱片送晒俾人，狗都养唔到送埋俾人，单人匹马走咗。唔系冇谂屋企人，唔够一年就带埋阿爸阿妈同细佬过去，但当时系冬天，冻到父母背脊生冻疮，所以佢哋回流返港，我一人漂流在外好几年。」
点击睇黄凯芹家中出现「不速之客」：