【Viu】台湾著名女星大S徐熙媛春节期间同家人去日本度岁，不幸染上流感并发肺炎，经抢救不治，㖊日喺当地病逝，终年48岁，消息震惊中外。妹妹小S徐熙娣今日透过经理人证实噩耗，大S嘅遗体会喺日本火化，亦会喺当地举行告别式，最后再运返台湾安葬。而正喺泰国旅行嘅前夫汪小菲亦已急飞返台湾。

大S对上一次公开露面，系参与台湾制作人王伟忠囡囡嘅归宁宴，当时孖住老公具俊晔、小S举杯畅饮，精神不俗。受丧妻打击嘅具俊晔，今午悲痛向韩媒表示「我不太好」，今个月8号系大S同老公结婚周年纪念日，两夫妇原本准备庆祝3周年，可惜如今天人永隔。

大S 1994年出道，2001年凭住同F4合演《流星花园》杉菜一角爆红，佢喺圈中人缘极佳，唔少好友都未接受到消息，包括朱孝天、杨丞琳，好姊妹林志玲、贾静雯、陶晶莹，以及电影拍档古天乐、 刘德华同埋陈晓东等等都发文悼念，怀愐大S生前点滴。