【A&M Diary】当无乜胃口，又唔想食粥粉面饭，饺子就会系我哋嘅最佳选择！位于元朗嘅半斤饺子，以手工制作，除咗常见嘅猪肉、牛肉同羊肉饺子之外，仲大玩惊喜，将八爪鱼同海胆都放入饺子之内，令饺子内嘅汤汁鲜味更上一层楼，成为店中嘅王牌名物。
蒜泥白肉
食饺子前叫啲小食开吓胃先。蒜泥白肉嘅少辣味中和咗五花肉盏身嘅肥腻感，再加埋上面嘅青瓜丝一齐食，再添上一份清新感觉。
风味皮蛋
半斤饺子系北方菜，所以皮蛋有别于川菜常见嘅尖椒皮蛋，而加入咗爽脆嘅洋葱，令到口感变得更丰富。
四拼饺
四拼饺包括韭菜饺、芹菜饺，酸菜饺、野生菌鸡肉饺。常见嘅韭菜饺同芹菜饺，香味四溢；酸菜饺酸酸哋，相当醒胃；而野生菌鸡肉饺嘅菇菌味非常香浓，更提升咗鸡肉嘅鲜味，肉汁非常丰富，非常惊喜。