【A&M Diary】每次将酱汁淋上热辣辣嘅铁板上，𠮶种「吱吱咋咋」嘅声音，加上肉扒遇上铁板嘅焦香味，绝对系双重嘅享受！但讲到港式铁板餐嘅仪式感，又点少得酥皮汤呢？细个食铁板餐，觉得系奢华嘅享受；而大个食铁板餐，就梗系满足嘅滋味。嚟到荃湾嘅西雅图屋，重拾嘅唔系昔日嘅风味，而系工作一天后嘅满足滋味。

白酒忌廉煮青口
青口新鲜肥美，淡淡的忌廉汁配上白酒烹调，鲜味非常突出。

德国咸猪手
钟意食肉嘅朋友，又点可以坐觉得个咸猪手呢！德国咸猪手份量十足，而猪手皮焗至脆卜卜，猪手亦非常入味，外脆内嫩！

招牌铁板肉眼牛扒
肉眼有成10安士，淋上黑椒汁后，牛扒香味更加汹涌而出。牛扒肉质鲜嫩，而且火候控制恰好，令到牛扒非常Juicy；薯条炸到非常香脆可口。而餐汤方面，又点少得酥皮龙虾汤呢！龙虾汤非常浓郁，酥皮焗得酥脆松化，绝对系满足嘅一餐。