【Viu】MIRROR「夜粥小组」Lokman、AK、Alton同Frankie、Cloud云浩影同Snoopy詹仕伟今晚出席沙田嘅倒数活动，「夜粥小组」仲首度献唱新歌《FING!》，High爆全场！
「夜粥小组」开心Share新年祝福同愿望，至于AK喺台上话要拍嘅宠物饮食节目，成数又有几多呢？三位兄弟就爆笑解画喇！「夜粥小组」又呼吁大家公开争取四子可以合体再出歌，Lokman同AK化身「桥王」教大家点样Plug歌，前者亲自示范「口耳相传」；后者著大家去公司门口静坐，而Alton就连下首新歌歌名都改埋叫《FINE》，咁有诚意梗系要出多首啦！讲到出歌，原来Frankie都将会为剧集献声，期待呀！
此外，首次参与倒数活动嘅Cloud，直认被现场嘅热烈气氛感动到眼湿湿，仲话希望今年出跳唱歌同开骚添，但就唔敢向「四大才子」请教，担心学费好贵㖞！讲到游富士山时误入台湾网友镜头，成为「网络女神」，Cloud都有爆笑回应呀，想知就睇足本访问啦！