【Viu】「第四十三届香港电影金像奖」今日举行记者会，交由4位特别嘉宾Angela袁澧林、Marf@COLLAR、George@P1X3L、Yoyo谢咏欣宣读入围名单！

其中Marf显得份外紧张，误将「美术指导」讲成「美食指导」，引全场发笑，Marf事后笑话有10分紧张感！听到自己凭《寄了一整个春天》入围「最佳新演员」、「最佳原创电影歌曲」，Marf话当下要特登控制自己情绪，好戥团队开心，不过至今都仍未反应过来！有指届时可以携眷出席，Marf竟笑答唔会带男友Locker，反而会带另一男子！唔知Marf对攞奖有冇信心？

George主演电影《不赦之罪》或今年上映，佢话都好期待下届嘅「最佳新演员」项目听到自己个名！二人主演电视剧《那年盛夏我们绽放如花》曾传会拍电影版，但佢哋今日就透露电影版应该未必有了！

Yoyo最懊恼系读唔出Marf个中文名，笑话好彩Marf原谅咗佢！仙气登场嘅Angela话宣读入围名单前比较紧张，但一见到谈善言、钟雪莹、许恩怡呢3个名，兴奋多过紧张，而佢哋更一致力撑许恩怡攞奖添！至于男主角方面，Angela就点名撑游学修啦！Angela又大谈担任香港国际电影节大使感受，想知就快啲去睇足本访问片啦！