足本访问: 许冠文获颁荣誉社会科学博士 「Hello文」风采令全场起哄 为圆电影梦逆流而上:「人生就好似三文鱼!」 失落金像影帝唔失望 寄语电影人「煮好𩠌」冲票…

【Viu】殿堂级影帝许冠文(Michael)今日获香港恒生大学颁授荣誉社会科学博士学位,除咗太太郑洁英现身支持外,原来Michael San仲带埋准备升读大学嘅孙仔孙女嚟参观校园,但系唔想高调现身,仲话佢哋对电影兴趣不大添!

讲到教授喺台上细数Michael San嘅银色旅途,有冇边Part最感触?佢直言电影影响自己一生,例如成长时受《七侠荡寇志》嘅尤·伯连纳启蒙;《破.地狱》亦解答咗自己苦思咗多年嘅「人生的意义」,所以觉得人生好似三文鱼,无论几艰难逆流而上,都系要返去「心之所属」嘅地方。

对于早前失落金像影帝,Michael San绝对冇失望,事关当下就系人生最美好嘅风景,亦恭喜「仔女」卫诗雅同朱栢康获奖,大赞佢哋嘅演技吓死人!

最后Michael San当然要鼓励一下所有香港电影工作者,仲以「煮𩠌」嚟做比喻,仲讲埋几时「亲自下厨」畀子华神食添!想知就睇足本访问啦!