【Viu】贺岁片《哈哈哈新年喜戏》今晚举行首映礼，一众演员「黑哥」姜皓文、Dada陈静、李璨琛、Bob林盛斌等现身！Dada、李璨琛、Bob都话系受黑哥嘅「召唤」参演，仲话最开心系飞咗去马来西亚拍摄，有「地胆」黑哥带住周围去食好西！

Dada预告戏中同黑哥有感情线，最大挑战系二人要跳一段舞！新戏由「姜太」殷宁担任编剧，Dada同黑哥演亲密戏𠮶阵会唔会尴尬㗎？戏服方面系咪走性感路线？

日前Bob喺社交平台出post，爆16岁大女霏霏话要喺新年带男朋友嚟拜年，更系首次见个女嘅男朋友添！Bob话见面𠮶刻好「㷫」呀，点解嘅？又有冇如李璨琛所讲由上到下咁打量个男仔？Bob指就连朋友都觉得个男仔几乖、几高、几靓仔，又大赞个男仔都好识做，有带见面礼嚟㗎！

Bob幽默笑话有同个男仔讲拍拖最紧要系开门，笑到Dada、李璨琛碌晒地，咁唔知育有两个女嘅李璨琛又有冇谂定到时见个女嘅男朋友嘅情形？另外，Bob带埋屋企人喺初五揾汪明荃、罗家英拜年，同场撞见Edan、Anson Lo，又发生咗啲咩笑料？Bob见老婆同登神selfie呷醋？霏霏问登神拍拖tips？想知就要即刻去睇足本访问啦！