【Viu】古天乐、周秀娜、刘冠廷、杨偲泳、黄浩然今晚现身电影《私家侦探》首映礼，冠廷喺台上话同香港团队合作系一个里程碑，指团队好团结、做嘢好利落，放假都会讨论拍摄令佢觉得好感动，古天乐就表示应该同多啲唔同地方嘅演员合作！唔知冠廷喺呢次合作后，又学识咗边啲广东话？

娜姐话虽然同冠廷得好少对手戏，但最深刻系有幕见到对方觉得好恐怖！相反就可以喺戏中丧追古天乐嚟闹，有冇把握机会闹多两钱肉紧？

最近又有戏院轮住宣布结业，古天乐话有好多原因导致结业，并非直接关电影事，未知电影业喺下半年嘅情况有冇改善？古天乐同Google合作，公开《明日战记》x《寻秦记》AI生成片，既然AI出现已经系改不了嘅事实，所以古天乐话应多了解AI、唔好抗拒，又指呢项技术普及化，但唔会系取代。

提起古天乐为林峰嘅尾场红馆骚嘉宾，佢话当晚好high，对张继聪笑指佢个造型系「香港队长」，古天乐又点睇？林峰事后爆佢超钟意唱K，古天乐又认唔认先，更爆埋原先冇谂住做嘉宾？

如今「櫈舞」已成佳话，古天乐都高呼好正，更提议林峰下次可以挑战其他款櫈添！其实当晚有fans举牌写「古天乐表櫈」，古天乐见到秒调头走，点解嘅？另外，受眼疾困扰多时嘅古天乐，终表示8月尾会做手术，仲笑话可以即刻复工，唔使休息，咁坚？想知点解就睇足本访问啦！