【Viu】电影《不赦之罪》今晚举行首映礼，众演员黄秋生、苏玉华、George@P1X3L、Sheena陈书昕、陈紫萱晒冷亮相！秋生指系因为古天乐而接拍，虽然自身宗教信仰同戏中「神父」一角相同，但秋生就话唔认同神父嘅价值观啦！

George喺Threads度以角色「阿乐」开account向网民「忏悔」，大呼好兴奋咩都讲得，秋生又跟队开个account听网民「告解」？George早前为宣传新戏孭十字架游街，秋生都话好佩服，嚟紧会再派福利？例如系如秋生所讲嘅派圣经？或者唱佢写嘅情歌？

舞台剧《螳螂捕蝉》公演成功，秋生话好开心，忆述返倒数第三场患感冒，佢都话当刻系好惊，好彩最后顺利完成！咁系咪筹备紧tour？第一站会去边？秋生早前公开29岁长子黄一一型仔相，似晒爸爸咁靓仔会唔会加入娱乐圈先？秋生又透露二子黄煜政最近都由外国返咗香港，大爆个仔喺屋企霸地盘，搞到佢冇得饮茶㖞！

苏玉华分别大赞George、「囡囡」Sheena表现出色，特别直指George调返转头带佢入戏，又指揾佐治做呢个角色好贴切，镜头后好努力又用心，系难能可贵嘅演员！对於戏尾加咗一场同George嘅对手戏，苏玉华话起到画龙点睛作用！

Sheena则话虽然对住「爸爸」秋生好大压力，但指秋生私下畀咗好多信心佢，又成日讲烂gag舒缓佢嘅紧张，系慈父无误！另外，George笑谈知道AM Team嘅Marco有参加《全民造星VI》，唔知佐治有冇畀tips Marco参选？点知佢爆肚话系公司人有「优势」？究竟系咩意思？海运戏院日前结业，秋生话有喺海运留过唔少脚毛，感慨指每个年代都会过去，艳阳天总会出现嘅！咁香港电影业嘅艳阳天几时会出现？足本访问ready好啦！