【Viu】游学修、钟雪莹、吴祉昊主演嘅电影《看我今天怎么说》即将上映，导演黄修平、钟志辉操刀嘅电影主题曲MV《What If》都已推出！除咗主唱陈蕾之外，参与MV演出嘅仲有来自唔同身份阶层嘅72位聋人、听人。大家一齐用手语，一句接一句演绎歌词。MV一开始，两位小演员用手语问：「可以选 我可以选甚么？」结尾再由唔同嘅演出者做出相同嘅答案，讲出唔少人对自由向往嘅心声！

陈蕾为咗演出特别学咗一啲手语，又话：「我特别钟意两句歌词：『从前遗憾的语气  无穷传达里没有顾忌』，令我有好多唔同嘅想像空间。」

游学修、钟雪莹、吴祉昊讲起拍MV嘅感受时，都勾起拍戏嘅回忆！一场大排档戏份令阿雪好难忘，阿修为今次MV拍摄重新学手语，佢谂返起开拍前半年嘅痛苦回忆。佢仲语重心长咁讲：「我觉得呢一部电影唔单止讲紧聋人或者手语，而系讲紧一种力量，对我嚟讲系一个身份嘅认同、一种共鸣感或者迷失嘅时候会有一种动力！」