【Viu】林家谦、洪嘉豪、陈健安顺利完成首个合体拉阔骚，受访大谈个唱感动位，家谦又为唱错歌词而解画！数到最精彩部份就不得不提打call𠮶part，Kaho之所以打得咁放，原来系因为Oscar落咗order，佢又讲到三子所担当嘅角色，边个热情、边个傻仔、边个厌世？On仔更自爆向排舞师加动作，被家谦笑系始作俑者！

笑问三子之后有冇机会组跳唱男团？点知佢哋劲爽快话可以，最快见到佢哋再合体会唔会就系喺家谦个唱？家谦呢次再透露更多个唱资讯？跟手就梗系要follow返喺《破·地狱》金像奖庆功宴上，杨受成热情游说家谦签英皇呢单嘢啦，究竟杨生会唔会变龟蛋？家谦回应𠮶阵拉埋Tyson Yoshi落水？

个访问最后就交由Kaho去round up，佢扬言要讲足半个钟感言，出名计仔多多嘅Kaho，提议三子下次合体做一件事，会系咩事呢？睇完足本访问嘅你唔好走咗去呀，片尾继续送上三子嘅唱歌实况片，喺唱《重生》𠮶阵有两位神秘嘉宾加入，就系呢个骚嘅剧场演员Amy Lo同梁仲恒啦！