【Viu】华纳「三宝」陈蕾、Kaho洪嘉豪、MC张天赋孖Moon Tang喺今晚华纳Family show后受访，心情keep住high！先讲到喺个骚晒舞技，4位沾沾话一次比一次跳得好，唔知咩叫「甩step」咁话，讲讲吓MC、Kaho更即场挑战跳女子组嘅《886》添！Kaho仲话坚系有邀请薛凯琪嚟睇骚㗎，唔知女神有冇现身呢？

Moon Tang喺骚入面有Part系同旧爱Gareth.T crossover，由Gareth.T钢琴伴奏唱《Honest》，呢个idea系边个谂出嚟？分手后合作会唔会尴尬？至于MC早前被爆有新恋情，对象疑系拥有火辣身材嘅KOL Cherry，MC大方首回应冇拍拖，对方亦唔系KOL，再讲埋所谓流出嘅疑似抱抱合照，只系角度问题啫，最后仲补一句如果有女朋友一定同大家讲！

金像奖日前公布入围名单，蕾子、MC分别入围「最佳原创电影歌曲」，佢哋收到好消息时系咩心情？蕾子话入围𠮶啲全部都系好朋友，除咗郑伊健之外，听到有MC份系有份安全感！MC仲谂定想同3位影帝集邮，究竟系边3位？Kaho亦曾入围金像奖同一奖项，呢位「师兄」有咩tips要畀蕾子同MC？MC个操弗大计又进展成点呢？

是日亦系Nancy Kwai嘅正日生日，问到寿星女有咩生日愿望？点知讲出嚟令全场笑爆嘴！Nancy话虽然生日要开工，但可以同咁多人一齐过系好开心嘅，特别系可以同女子组一齐跳《886》！不过数数手指，点解Dear Jane冇份跳？难道四子有特权？如果之后组女团行跳唱路线，Kiri T又肯唔肯？

另外，Dear Jane宣布5月会开20周年红馆骚，暂定4场，透露骚前会再出多两首新歌！至于讲到有咩surprise，四子突然大暴走，由Howie领军嗌跳火圈、跳舞、甚至乜都除，个尺度仲系除净对袜，哗！呢单嘢坚定流先？Jackal接力话要拎埋支「水喉」出嚟，玩到咁大，Tim、Nice会唔会跟队先？欲知后事如何，就要睇足本访问啦！