【Viu】由「黑哥」姜皓文、老婆殷宁「孕育」出嚟嘅贺岁片《哈哈哈新年喜戏》今晚举行首映礼,佢哋话呢个「BB」真系得来不易,「大肚婆」殷宁自爆多次情绪激动爆喊,又话同老公黑仔嗌咗好多次交!但两公婆又点会有隔夜仇呀?姜太仲贴心安排咗两位女神宣萱、Dada陈静嚟同黑哥演感情戏,讲到兴起更爆埋有床上戏添!殷宁有冇监场?黑哥见住老婆坐隔离又有冇老尴先?
惟香港票房有限公司今日表示,今年贺岁档嘅票房较去年同期跌37.1%,表现令人失望,黑哥指对票房冇压力,冇分烂片同好片,主要系睇观众嘅口味!
同场吴家乐呢日就系嚟撑黑哥,直入主题讲到最近佢同邓兆尊喺网台节目大爆有女星同时同6个富商拍拖,最后意外大肚获「掟煲费」600万,片段出街后引起极大回响,搞到全城猜猜她是谁!家乐话今次的确追问多咗,话一讲到姓氏嘅tips就即刻截停,点到即止咁话!家乐跟手又自认口疏,所以完咗节目都冇问系边个,对网民竞争女星为某陈姓女星,家乐话都有睇到,但就呼吁大家唔好再估落去,怕影响到对方屋企!
至于讲到佢喺网台节目谈及五索,家乐话节目内容系紧贴娱乐新闻,利申唔会踩住人上位!而当中紧贴嘅包括王贤志早前自爆破产,重提二人曾传绯闻,家乐又点回应?足本访问ready好啦!