【Viu】影后Jennifer余香凝以超Deep V长裙现身「第18届亚洲电影大奖」记者会，宣读最佳男、女主角入围名单，坦言有少少紧张，但同时又好戥所有入围者开心！提到佢喺IG出post自爆去年曾经历小产，Jennifer报平安指身心都要畀啲时间去沉淀，感恩年尾飞台湾拍戏𠮶阵有个小休息！至于之后有冇计划再追B？Jennifer就谓睇缘份！
「小野」卢镇业除获委任今届嘅青年大使外，呢日佢嘅另一任务就系孖Philip伍允龙宣读最佳男、女配角等入围名单！小野指事前系唔知个list，一见到男配有Philip个名系好surprise，当事人Philip更直头系hang晒机，事关呢次入围系佢首个嘅电影提名！Philip话对攞奖系抱平常心，当佢听到偶像洪金宝力撑佢𠮶阵，Philip二度Hang机，场面爆笑！小野就笑话当听到获委任做「青年大使」都唔系好接受到，点解嘅？佢又不忘帮自己、女友Fish廖子妤sell新戏，仲爆Fish呢期做织女添！
同为嘉宾嘅仲有林明祯、黄德斌，佢哋都不约而同话好紧张，因为怕读错！见到《城寨》有9项提名，有份参演嘅德斌都话好鼓舞！自认打得嘅明祯BB敢唔敢同德斌切磋？另外，有网民报料见明祯BB同Edan飞巴黎过圣诞，明祯BB又点回应？「KK」德斌又点睇「田田」Edan同明祯BB传绯闻？有足本访问睇啦！