【移民英国／须知】移民在外购买日用品要小心考量？有移民英国港男于社交平台发文，批评有移英港人大量抢购1种生活物品囤积，直斥「好X肉酸」，「我最嬲嘅点系你香港人闹人哋几廿年嘅嘢，嚟到呢度自己做返……可唔可以（唔好）做埋呢啲蝗虫嘢」。
帖文掀起网民骂战，有人支持楼主说法，批评相关行为离谱自私，「呢啲唔好讲自己系香港人，影衰晒」、「失礼死人」、「着数攞尽，香港人本色」；但也有网民认为做法无问题，「我觉得无问题……啲货又唔系短缺，又无话限购，又唔影响到其他人」、「咁小事都睇唔开，咁样生活其实都几辛苦」。面对网民争议，楼主重申，「我只系觉得呢个行为好X肉酸」。
日常生活用品，应按需要购买。该移民英国多年的港男1月5日（星期日）在Facebook群组「英国香港人生活交流区」发相发文，批评有移英港人大量购买袋装米，放在家中囤积，更上载照片「炫耀」，直斥「好X肉酸」。
从楼主上载帖文截图看到，其中1名移英女生买了10袋米，放在地上排好。另一张照片见到，有移英港人购入十多袋米，放在鞋柜与墙壁中间叠高，留言「英国穷X，税贵物价升，真正积谷防饥。无位放咁多米，唯有放鞋柜格离（隔篱）。实有朋友话会蛀米，但实验过放近1年都无米虫」。
楼主斥责「可唔可以（唔好）做埋呢啲蝗虫嘢唔好？咁光明正大话畀人听，仲要话咩摆1年，食几多买几多好难呢？另外仲有个一家四口加埋都冇一百岁，买10包米，全家一齐玩增肌咩」。他强调：「我最嬲嘅点系你香港人闹人哋几廿年嘅嘢嚟到呢度自己做返，仲要唔畀人讲。静静鸡唔得咩？」
网民看过帖文议论纷纷，有人支持楼主说法，批评相关行为离谱自私，「饥荒咩？」、「呢啲唔好讲自己系香港人，影衰晒」、「失礼死人」、「着数攞尽，香港人本色」、「又系低俾人闹嘅」、「塞到间屋咁，好核突」、「香港人真系好X烦」、「呢啲post有时真系会影响其他人⋯⋯何必要拎出公海？出得呢啲post嘅人思想真系好有问题！想表达咩？执到平嘢？香港人移民要抢米？」。
但也有网民认为做法无问题，「我觉得无问题，啲米跟本唔会买得晒，香港人梗系唔抵得人呢样𠮶样，明明影响唔到自己，就梗系唔抵得人哋」、「其实我在香港也习惯一次买十包八包，唔觉有问题」、「人哋可能真系一日两餐都系要用米，咁咪用得快啰」、「啲货又唔系短缺，又无话限购，又唔影响到其他人……囤积会过期嘅嘢虽然系onX, 但系佢钟意onX系佢嘅问题」、「咁都俾人闹，做香港人真系辛苦……」。
面对网民争议，楼主重申相关行为「肉酸」，「鬼唔知佢冇错咩，佢买100包返屋企冲凉都得，肉酸呀嘛，真系会有人俾佢哋搞到买唔到呀嘛，呢度系真系会因为你哋咁样囤积居奇而导致到其他香港人买唔到呀嘛……」。楼主更称所谓「合理行为」会影响到其他香港人群体，「我哋系小众入边嘅小众，但系都系人嚟㗎，你哋买晒咪买晒啰，仲要上网喺度晒命」。