【Viu】陈慧娴红馆个唱㖊晚去到第四场，请嚟古巨基任嘉宾，原来佢哋私下系好朋友，慧娴多谢老友助阵：「 其实我哋平时都系聚会嘅脚嚟嘅，我哋会倾心事 。你哋以为我哋『无厘啦更』，其实我哋私底下系好好朋友嚟㗎！」
两人喺台上话当年，慧娴问基仔：「喺好多年前你同我讲好想同我监制唱片。 我依家想问返你，点解咁嘅？竟然对我有兴趣嘅？ 」基仔愕然话：「哗，你记得呀？因为我有做监制嘛，我哋呢度成万人对你都有兴趣㖞！点会『竟然』呀？」慧娴答道：「咁呀，我想问吓你，今时今日你仲想唔想同我做唱片监制？」基仔开心点头即应承，佢哋更喺观众面前打手印落实！基仔又问慧娴：「你系咪要休息一阵？今晚条打底裤得唔得? 我今晚我都著咗条打底裤嚟㖞。」慧娴笑话：「今晚冇事啦！你著定嚟惊要借俾我呀？」
慧娴落台底换衫𠮶阵，基仔表示自己拣咗慧娴嘅《Love me once again》，但知道慧娴期待听佢唱《爱得太迟》，所以清唱咗几句！