【Viu】Happy Fatboy’s Day！「宇宙天团」ERROR队长肥仔梁业今日35岁啦！歌迷会日前为寿星仔喺尖沙咀租用巨型灯箱，又搞咗个生日Party庆祝，小草们仲好有心送上蛋糕、生日礼物，兼全场大合唱生日歌为肥仔贺寿，劲Sweet啊！宠粉嘅肥仔除咗跳唱新歌《Mascot》，同fans「Shake it shake it baby」之外，仲同大家一齐玩游戏！趁住牛一，肥仔特别公开两个「绝密数字」，佢起初话：「担心近排涨咗啲。」但因为群情汹涌，佢唯有顺应民意即场度腰围，不过佢反而话：「最留意自己嘅胸围，男人要有Bo⋯Body，肚腩唔犀利，胸肌都要犀利！」腰围量度结果系43吋，肥仔突然自爆埋胸围：「胸围43吋，系典型嘅柱型身形，圆柱体，成碌嘢咁。」真系劲风趣！
席间，肥仔亦分享话：「好多谢大家鼓励参与生日会，都系𠮶句每年生日都好庆幸有你哋同我一齐过。自己斋出歌，如果冇你哋我都冇动力出歌，有你哋嘅支持所有骚、所有演唱会、所有歌或者所有作品，我都会好努力做俾大家睇，希望我哋每年嘅小草聚会越来越大，越来越多人，越来越开心。」佢仲约定大家出年一月见添！
肥仔又喺IG share生日感受，佢写道：「给35岁既我讲声生日快乐，今年继续努力。做好自己，做好每一个表演每一个作品。感谢每一个支持我嘅钟意我嘅人，1月25号演唱会再同大家见面，thx。」