【Viu】台湾天团五月天㖊晚喺启德主场馆举行《回到那一天》25 周年巡唱香港站首场！当五月天随住「Fly to 25TH豪华客机」出场，并先后唱出《OAOA》、《孙悟空》、《伤心的人别听慢歌》等歌曲，五月天再次感谢歌迷陪伴佢哋度过25周年嘅五月之约！

之后玛莎爆冠佑喺后台同佢讲会著羊毛外套，因为裇衫太透！怪兽、石头就出手想掀开冠佑嘅外套，歌迷都大叫「脱掉」！阿信就望到石头件衫有好多窿，石头无辜咁话自己咩都冇露，怪兽笑住话：「因为预算都在冠佑这里了！」

去到点唱环节，有歌迷喺台下举起「我有提词鸡」，并将冠佑嘅相放喺鸡蛋图案当中，怪兽就问：「冠佑的小鸡很可爱！？」，相当搞笑！阿信就拎住歌迷印嘅细张歌词，讲笑话自己年纪唔细：「香港的朋友没有A4纸吗？」

是夜，当年提携过五月天的师兄任贤齐也有来捧场，阿信特别介绍他，道谢及即席唱《对面的女孩看过来》！

尾声，喺25年前，五月天初次嚟香港宣传系喺好细间嘅live house唱歌，一步步唱到去启德主场馆，阿信感性地讲：「变化的是演出场地，不变的是我和你，和每年和你们在一起五月之约。」