【Viu】事隔9年再开红馆骚嘅陈慧娴，今晚起总共举行6场《The Fabulous 40 Priscilla LIVE IN HONG KONG 陈慧娴演唱会》！甫开骚见多位dancers各拎住块花瓣向台中位置，堆砌成一朵花，慧娴姐姐就着住条白色花瓣裙升上台，一嚟就先唱《奇妙旅程》，成个画面劲唯美！随后「花开」就见到慧娴姐姐嘅真身，接住唱《柯德莉夏萍穿过的鞋》！
唱到《不羁恋人》𠮶阵，慧娴姐姐脱「花」而出，解锁短裙仔配黑丝美腿！佢同fans打招呼时介绍是次演唱会主题为「花期」，又自嘲中完Covid记性变差，搞到个脑有事，笑问在场有冇同路人，场面甚为搞笑！接住就同全场fans大合唱出道作《逝去的诺言》兼《人生何处不相逢》，啲回忆返晒嚟呀！
另外，黎明、张学友、郭富城、张敬轩、谢霆锋、成龙、陈慧琳、李克勤、谭咏麟、梁咏琪、钟珍、Gin Lee、关智斌、周慧敏、关心妍、毛舜筠、区丁平、炎明熹等，都有送上花篮贺慧娴姐姐开骚，可见佢喺圈中人缘极好！快啲去片听歌啦！