【Viu1】Sammi郑秀文㖊晚嘅第4场澳门演唱会就请咗洪嘉豪做嘉宾,嘉豪坦言受宠若惊:「当我收到Sammi嘅邀请,最惊讶系佢识我?有听我嘅歌?仲要指定唱《黑玻璃》?我哋呢辈歌手有时都会迷惘,收到Sammi邀请,觉得系一个肯定同荣幸。」Sammi跟手话:「绝对系一个肯定,洪嘉豪系一位相当有实力嘅歌手,你首歌旧年咁高点击率、咁多人钟意,一定有佢嘅道理,你唱都相当出色。」
呢晚同样有老公许志安合唱《世纪末烟花》,不过最大惊喜系演唱会尾声,Sammi 唱《我们都是这样长大的》时,有歌迷从观众席掟咗个红色Bra上台,然后歌词咁啱唱到:「人大了,难得放肆地笑……」Sammi更将红Bra放喺胸前兼自嘲:「呢个杯好大,大得滞,你系咪想润我呀?」然后又放喺对眼度,笑称:「可以当眼罩用!」全场爆笑。仲唔快啲入嚟睇实况片一齐笑!