现场实况:宣美大赞「捞米」:「So sweet, humble!」 Anson Lo Jeremy与女神共舞炸爆舞台 互教母语

【Viu】Anson Lo同Jeremy㖊晚孖住前韩国女团Wonder Girls成员宣美喺亚博举行音乐会,Anson Lo 、Jeremy打头阵出场唱《Money》,宣美就以性感黑色短裙出场,三人一齐跳唱《Tail》,宣美仲同Jeremy跳辣身舞,Hot爆!

Anson Lo 问宣美同佢哋合作有咩感觉?宣美对可以同台表示开心,事前仲「做功课」听歌,并话: 「So sweet, humble!」 佢仲话自己喺香港冇太多朋友,认识佢哋系好开心。宣美仲有同粉丝玩互动和唱,佢好兴奋咁用广东话赞粉丝:「你哋好劲啊!」

去到演唱会后段,Anson Lo、Jeremy 落台去观众席同粉丝握手,粉丝都企晒起身一齐跳唱!而压轴就系三人合唱宣美嘅《Gashina》,Anson Lo 喺台上教宣美广东话讲I love you我爱你,宣美就礼尚往来教Anson Lo韩文 :「令舞台炸裂!」Jeremy第一次同宣美见面时,就觉得对方好善良,又话对方一直系佢嘅偶像!