【A&M Diary】去九龙城食泰国菜系常识，但其实潮州菜都有佢嘅势力范围！九龙城区内有唔少传统嘅潮州菜馆，同泰国餐厅分庭抗礼，其中主打潮州打冷嘅潮荟馆就成为我哋嘅推介之一！潮荟馆由潮州师傅主理，出品地道又正宗，而且装修得古色古香，充满国风，啱晒约埋三五知己去打冷或作为家庭饭聚啦！
卤水三宝卤水系潮州菜嘅灵魂之一，嚟到潮荟馆又点少得呢？我哋嘅三宝就包括鹅片、鹅肝、鹅肠！鹅片嘅肉质软腍，索晒卤水嘅香味，味道充满层次，至于鹅皮嘅油香丰富，香而不腻；鹅肠口感弹牙，完全无内脏嘅臊味，加上卤水浸透时间够，淡淡都系卤水嘅精华；鹅肝口感软绵，入口即化。
家乡咸鸡潮州咸鸡看似简单，但充满难道，鸡肉嘅咸香味要拿捏得好准，如果唔系就会过咸。而潮荟馆嘅家乡咸鸡咸香度适中，完美带出鸡有鸡味嘅精髓。
卤水猪手一见到猪手，系咪会觉得食得好麻烦呢？潮荟馆嘅卤水猪手上枱时只有肉无连骨，所以食得非常方便，肉质肥美滑溜，卤水味浓，重点嘅猪皮亦充满弹牙嘅口感，食落口仲啖啖骨胶原。