自从中国演员王星近日到泰国拍摄遭「卖猪仔」到缅甸一事，闹得人心惶惶！不过，陶大宇和《爱．回家之开心速递》「王朝」莫家淦两位艺人就无有怕，日前受邀去到同样有诈骗园区的柬埔寨登台！
莫家淦接受《香港01》时称21日一早到埗：「 一开始听到系柬埔寨都有啲惊嘅，做定资料搜集，我以前做眼镜生意过旧拍档都系柬埔寨开厂，佢同我讲我哋去𠮶啲点都好安全，相对繁荣，冇坊间讲到咁恐怖喺街度乱咁捉人。」莫家淦又指登台工作是经熟人介绍：「系香港商人开嘅一个娱乐城，有酒楼有大型嘅酒吧场所，中介揾我做嘢都系之前喺马来西亚登台识嘅，所以唔系『王星事件』𠮶啲系群组三唔识七𠮶啲嚟嘅，都系啲相熟嘅，除咗我之外，当然仲有陶大宇，见到大宇哥去都增添信心。」
此行二人更受到巨星级待遇：「好安全㗎，去到现场有人接机，有啲保镳坐住劳斯莱斯带我哋去酒店食嘢，我哋个司机就系军方嘅人。网上见到啲YouTuber 借呢啲事喺度呃流量，千祈唔好乱咁信，我定时定候都有同屋企人度报平安，所以都唔使担心而家住嘅酒店都系国际知名品牌。我今日到，夜晚做嘢，听朝就会返香港，开show都会有10几个保镳喺度。」