【A&M Diary】夜晚嘅元朗真系越夜越热闹，唔同种类嘅宵夜店都有，如果想叹夜茶点心，推介喜洋洋点心专门店。喜洋洋点心专门店由朝早开到凌晨，无论系朝早食点心嘅茶客，定系夜晚宵夜想医肚都得，而餐厅嘅点心价钱贴地，成为街坊嘅点心小店。
姜丝牛柏叶
牛柏叶蒸完入晒味，口感弹牙爽口。至于底层嘅金菇，完美地吸收精华，同样出色。
鹌鹑蛋烧卖
鹌鹑蛋烧卖真系买少见少，喺喜洋洋点心专门店见到，真系充满怀旧感！烧卖份量厚实，大大粒，充满肉汁。
酱汁蒸凤爪
如果呢个世界只系剩返一样点心嘅话，我希望系酱汁蒸凤爪！蒸完嘅凤爪，唔会油淋淋，索晒酱汁，非常入味。