59岁翁静晶上月在YouTube直播以「翁静晶同你倾下城中热话背后嘅法律问题」为题，以法律角度讲解何伯何太事件，近日有网民与何太于抖音交流时，提起有律师表示可能难以取回450万，何太即「跳掣」并不点名批评何伯事件的律师，更质疑该律师的专业资格，翁静晶就「买律师牌」一论笑指对方「佢都几傻」。

《危险人物2.0》YouTube截图 《危险人物2.0》YouTube截图

YouTube频道「危险人物2.0」由翁静晶分享早年办过的案件及所见所闻而闻名，上月在YouTube频道的直播上，曾以法律角度讲解何伯闪婚故事，就何伯细女调走联名户口450万元一事，翁静晶表示联名户口要签一张同意书，名为生还者条款，「都系长命契嘅原则，如果有一个人唔喺度，所有都系属于另一个生还者。去银行开呢类户口嘅时候，通常都会写明」，如果户口是单签，即户口持有人在签名前已协商单签就够，「假设其中一个人唔喺度，另外一个系可以攞晒，呢个银行户口嘅钱就唔系遗产嘅一部份。」

Facebook「何伯&何太关注组」截图 抖音截图 抖音截图

有网民及后于何太的抖音群组中分享有律师分析何伯能取回450万元的可能性，「律师讲好难㖞何太，冇450万有利息都好过一蚊都冇。」何太即爆seed表示「嗱，你再提呢个律师嘅名呢，我证明你同佢系一派，一派胡言呀你。」、「佢乱讲嘢驳流量，不择手段，我都未告佢」、「我指𠮶啲个别律师，冇专业嘅水准，系废柴，个律师牌都唔知点样得嚟，系买嚟嘅」更直叫人放马过来，有网民认为何太应该收口，「佢无知到根本唔识惊，正常人都收口啦」、「叫何太上女侠live告女侠」、「都唔知人哋咩来头」。

《危险人物2.0》YouTube截图 《危险人物2.0》YouTube截图

翁静晶在昨日（10日）再度开直播，疑回应相关言论，「有人话，翁静晶个律师牌，有人讲个牌买返嚟㗎㖞！哇，我听到好开心㖞！我就问吗，系边度有得买呀，我想买多个㖞，如果有不如买多个，你介绍我买多个啦，要几多钱？如果买得起，买多个都唔错㖞咁样。」翁静晶更笑称「其实讲呢一样嘢嘅人，都几傻。」
翁静晶称收看直播的观众就如同邻居，今年自己已60岁，不少网民见证她由12岁入行做童星，「我一生做过啲咩好嘅、唔好嘅，啱嘅、错嘅，你哋都睇到㗎嘛」、「所以人哋钟意讲，咪由得佢讲啰，最紧要就系咪事实？同埋伤唔伤害到你啰，如果讲啲咁傻嘅嘢出嚟嘅人，伤害嘅就系自己喇！尤其是你自己又唔系咁得人钟意嘅」。

《危险人物2.0》YouTube截图

翁静晶指有些人无所畏惧，唯怕穷，但不会对对方带有仇恨，表示明白有些人可能曾有些不好的经历，「有啲人咩都唔惊，系最惊穷，佢哋穷到怕喇，唔可以再畀自己去返𠮶个位度，唔好讲咁多礼义廉耻，因为佢哋目标同我哋唔同，同埋佢哋经历过嘅嘢唔系我哋可以明白，都唔系我哋可以体会，各人有各人嘅前因后果。」
翁指虽然明白对方想改善自己和家人的生活，但希望她同样可以用善心对待别人的家人，「我同你都唔会想呢个大妈做我哋后母，我哋好惊佢，觉得佢好厉害、好霸道」，翁静晶表示自己做任何事都是先礼后兵，但仍然会听取网民意见出一个制衡措施，「律师信系会出，出咗之后如果佢系好人嘅，佢行善良嘅路，唔好去伤害人，好好地去对家庭入边嘅人，咁就唔会有下一著，但系如果佢好过分嘅，佢伤害其他人，我都可以随时采取第二步嘅行动」。