【访问有片】云浩影《别畏高》MV获香港网球名将黄泽林启发 努力装备机会随时降临

【Now.com】云浩影(Cloud)日前以一身白色运动衫现身网球场,仙气大爆发,拍摄新歌《别畏高》MV,以运动员不屈不挠的坚毅精神作为主题,她表示被好友兼现时香港男子网球历来世界排名最高的球员黄泽林启发,认为歌手与运动员一样勇敢迎难而上。

关于这首新歌,Cloud她说:「今次系我第一次尝试呢种曲风,好兴奋,亦好开心再次邀请到谦明(金像奖最佳剪接李谦明)担任导演。(点解选择网球手作为MV主题?)最初开会时,导演谦明问我做开咩运动,虽然我唔系好叻打网球,但我觉得呢个题材都几新鲜。而我真系好想畀大家留意多啲网球呢项运动,因为我自己好钟意睇网球赛,加上我觉得网球手同歌手有少少相似。一场网球赛可能要打2个至5个小时,同一个歌手开演唱会感觉有啲似,即使教练喺场边,都唔可以讲啲咩,上到场就得自己一个面对。好多self talk(自我对话)、自己鼓励自己,比赛中途有少少气馁、点样为自己打气、点样坚持下去,我觉得同做歌手好相似。」

「呢项动都启发咗我好多,加上最近香港出咗一位好犀利嘅网球手,同时系我嘅朋友,黄泽林。记得佢同我讲过一番说话,令我好深刻,佢话当你参加一场赛事,无论本身排名高与低,踏入比赛场,大家都系一样,每一场赛事都系重新开始、重新对待。睇佢比赛好刺激,佢由输波开始1分1分追返嚟,佢嘅心理质素真系好犀利,能够咁样坚持落去。」

作为歌手,Cloud坦言有时候感到迷惘,说:「有时唔知道自己嘅歌曲啱唔啱大家听、唔知自己系咪喺一条正确嘅道路上,所以我几钟意打网球呢项运动,因为发球可以有两次机会,如果第一球唔成功可以再嚟第二次。话畀我知,好多事情其实都系有机会,只要装备好自己就得啦!」

(网址)

拍摄当日天公造美,Cloud感恩阳光普照,认为这首新歌好适合夏天去听,希望带出热血嘅感觉。镜头前她挥动球拍有板有眼,原来除了平时有打网球,更在拍摄前「补钟」,她笑说:「为咗今次拍摄,我都有练习咗几堂,现场仲有制作团队,第一堂上完之后,导演掹咗教练埋一边倾,唔知佢哋讲乜,可能系见到我嘅表现有啲担心,希望今日拍到佢哋想要嘅嘢啦!」