近日有一名女性网民在网上投稿，控诉前男友10宗罪。她指与该男士分手两年，但拍拖期间患上抑郁症，至今仍然经常发恶梦，透露对方「有上电视拍都是闲情（编按：《流行都市》）教煮𩠌，同埋有拍广告」，自称是「半公众人物」，身份惹网民猜测及热议。
女事主以2千字狂数旧爱不是，以下就简单整理为10点：
1. 欠债
– 女事主透露疫情期间认识男方，指：「佢话佢争出面银行周身债，日日都要揸Uber揾钱。」而女方称有帮对方分担债务。
2. 孤寒
– 女事主说：「呢个男人真系超孤寒，有时答（搭）佢车出入佢都会计返我Uber价钱。如果𠮶日系用咗啲时间嚟陪我都会要我过返钱俾佢，当系包咗佢𠮶日时间⋯⋯」
3. 食软饭
– 女方称自己长期都「贴仔」，男方一句要同朋友夹份做生意，女事主二话不说卖掉自己的金器，将3万积蓄全数奉献对方；又上送Tommy（Tommy Hilfiger）、A&F等品牌服装，但男方甚至连女方嘅衫都攞嚟著。女事主说男方认为她对自己事业无帮助，并谓：「话如果有个富婆包养佢，仲可以比到好生活佢，咁我愿唔愿意同意佢俾人包。话觉得自己都30中30尾，如果而家有富婆包佢，有钱女钟意佢，已经系最后机会去做呢样嘢。问我愿唔愿意比两三年时间佢揾钱，之后再同返我一齐。」
4. PUA
– 女方指男方常贬低她，使她自尊心受挫并达至操纵目的，表示：「同佢一齐期间系咁话我肥，系咁话我系佢一齐过最丑样𠮶个。搞到我都抑郁精神病要睇精神科同心理医生，医生都话我似系厌食症。我163高，最瘦嘅时候得87磅。佢都仲系话紧我肥，叫我做运动⋯⋯」男方又曾对她说：「同过一啲好靓嘅女仔一齐会好冇安全感，同我一齐就唔会。」
5. 玩失踪
– 经常找不到男方。
6. 不尊重女性
– 女事主指这名男士极不尊重女性，当他分享自己工作日常会接触到的女性时，会用不雅言词，她称：「成日话觉得条女好冧佢仲要讲到好肉酸，成日讲觉得人哋对住佢X晒⋯咁你想我咩反应呢？能够得到佢嘅宠幸，我要谢主隆恩？」
7. 保留旧爱床照
– 女事主说这男士从未在删除前度合照，手机更保留旧爱的床照。
8. 自爆偷食约炮前科
– 她指男方曾揭露自己过去，例如「佢点样每一段关系都系偷食再偷食」、「同我讲佢以前点样周围同人约炮。」、「讲俾我知话啲女点样见到佢就好猴擒。」使她十分难受。而男方在二人分手不久后闪电有新欢，女网民后来从男方与新女友庆祝一周年的日子，推算出男方与自己拍拖时其实已一脚踏两船。
9. 吸毒
– 女事主说：「佢系（喺）同我一齐期间讲咗好多佢以前嘅嘢俾我听……例如佢以前系吸毒者。」
10. 将女网民件衫畀新女朋友著
– 女方透露二人分手并不和平，男方甚至攞走了她的iPad、相机和有牌子的外套，即使女方要出动阿妈帮手叫对方归还仍不得要领，她又说：「最嬲系咩呢？佢新女朋友系咁着住佢喺我𠮶度偷嘅Tommy针织褛。我顶你呀⋯你沟女还沟女呀，你攞我件褛俾你条女着冇病啊？」
网民对涉事男主相当好奇，女方所讲的资料如果属实，即男方除了在《流行都市》教煮𩠌和拍广告，还有以下条件：
（1）年龄30中至尾
（2）有在IG贴出现任女友，女方做家族式保险生意，炫耀MDRT、COT等成就；有在电视台拍节目，为落选港姐。
网民求女网民开名，也有留言推测男事主身份，最搞笑是有人问：「都市闲情教煮𩠌 李锦联定安德尊？」其实李锦联已经冇做好耐，翻查近一年半的《流行都市》「睇𩠌食饭」环节，亮相过的男士至少6位，分别是：厨师黄亚保、陈超平、许美德、李文星、注册营养师陈国宾及厨艺专家湛锦钿，不过由于目前的版本只是女网民单方面的说法，而且至少是两年前的事，事情真相及对方身份难以稽考。