现年31岁的苏韵姿（Andrea）因参演处境剧《爱•回家之开心速递》，凭「熊心如」一角成功入屋。本受力捧但传出得罪高层及迟到被雪，更被踢出剧组，直到去年今年3月约满后，她宣布与TVB结束8年宾主关系。近日，她宣布签约升阳娱乐文化，日前为音乐剧《我们的青春日志》番外篇《Nancy劳军SHOW》独担大旗演出，又跳又唱，献唱十多首经典歌曲：《浮夸》、《酷爱》、《越唱越强》、《可惜我是水瓶座》等，当中苏韵姿自爆被《越唱越强》考起：「要演独脚戏，心情超紧张，演出前一晚，我不停Loop啲歌，最难系《越唱越强》，我觉得自己越唱越弱，因为啲歌词好密、节奏好快，好似急口令咁，我睇容祖儿演唱会，见佢唱得好轻松，但我唱就好难，觉得祖儿真系好犀利。」
在今次音乐剧《Nancy劳军SHOW》中，苏韵姿除了在舞台演出外，亦参与幕后创作，包括度桥及服装统筹，她说：「其实喺2023年已经有呢套番外篇嘅构思，不过真要有晒剧本同排练，就3、4星期先开始，所以筹备时间都好赶。过程中最大挑战一定系中文，好多歌词同对白都好难背，加上难度好高系成个骚一个人hold，如果唔记得台词就冇人救自己，所以要好熟，同埋喺现场会同观众有啲互动，执生好重要，真系好大挑战。」席上，苏韵姿圈中好友「鬼妹仔」黄碧莲亦有到场，苏韵姿笑说：「我哋大家中文都差差哋，我问佢会唔会睇唔明，佢话我都明，佢一定会明。」
此外，苏韵姿透露签约新公司后，将在幕前有不同的尝试及演出机会：「嚟紧会同HOY TV有不同节目嘅合作，之前我同陈思圻就返咗大陆拍摄一个新年节目，我哋两个接触咗好多新年嘅传统文化，感觉好有趣。」