【A&M Diary】喺尖沙咀食印度菜第一时间一定会谂起重庆大厦，但好多女仔对重庆大厦都会保持一定距离。所以如果大家想去食啲环境唔错嘅印度餐，可以选择位于宝勒巷嘅CARAT Fine Indian and Mediterranean Cuisine。餐厅除咗提供印度菜式，仲有唔少地中海菜选择，一定适合你约够晒特别的她。
驰名牛油蕃茄咖喱鸡（微辣）上枱嘅时候已经闻到好香嘅咖喱味，食嘅时候同样香味十足，加上用咗唔少香料，所以味道好有层次。至于鸡肉份量虽然唔多，但每一旧都好嫩滑，劲入味！至于辣度唔会过重，辣度啱啱好。
薄荷咖喱叶炉烤大虾（微辣）大虾预先起壳，所以食嘅时候方便又够入味。除咗浓郁嘅咖哩味，仲有淡淡嘅薄荷味，所以食嘅时候非常清新。至于除咗薄荷味，仲有炉烤嘅焦香味，拿嘅时候同样非常有层次。
蒜香烤饼食咖哩又点少得烤饼呢？呢款烤饼加入埋蒜蓉，所以食起上嚟仲带有蒜蓉香味，非常唔错。
新鲜青柠梳打好多人食完印度嘢都惊口气问题，呢杯青柠梳打就好refresh，为浓郁嘅印度菜作调整一吓嘅结尾。